23:13 04 İyul 2020
Canlı yayım
  • USD1.7000
  • RUB0.0274
  • EUR1.9035
MƏDƏNİYYƏT
Qısa URL
10211

Teatrın mətbuat xidməti yayılan məlumatları təkzib etsə də, xalq artisti təsdiq edib

BAKI, 27 okt — Sputnik. Akademik Milli Dram Teatrı xalq artisti Fuad Poladovun teatrdan istefa verməsi haqqında yayılan məlumatlara aydınlıq gətirib. Teatrın mətbuat xidmətindən Sputnik-ə verilən məlumata görə, F. Poladov hazırda teatrda fəaliyyətini davam etdirir.

Fuad Poladov, Şah Qacar obrazında
© Photo : Akademik Milli Dram Teatrı

"Oktyabrın 26-da xalq artisti Fuad Poladovun Akademik Milli Dram Teatrındakı işindən istefa verməsi haqqında məlumatlar ölkə mediasında müxtəlif müzakirələrə səbəb olub. Yayılan xəbərlərə cavab olaraq bildiririk ki, medianın yazdığı kimi Fuad Poladov işdən çıxmaq haqqında ərizə təqdim etməyib, belə bir ərizə xalq artisti tərəfindən yazılmayıb. Fuad Poladov teatrda hazırda fəaliyyətini davam etdirir", — teatrdan bildirilib.

Qeyd olunub ki, xalq artisti İlyas Əfəndiyevin "Sən həmişə mənimləsən və yaxud Boy çiçəyi" pyesi əsasında xalq artisti Azər Paşa Nemətin quruluşunda "Boy çiçəyi", Ərşad Ələkbərovun quruluşunda "Müsyo İbrahim və Quran çiçəyi", Əli Əmirlinin "Bütün deyilənlərə rəğmən və ya Ağa Məhəmməd şah Qacar" pyesi əsasında Azər Paşa Nemətin quruluşunda "Şah Qacar" tamaşasında çıxış edir. Oktyabrın 28-də Fuad Poladov "Müsyo İbrahim və Quran çiçəyi" tamaşasında çıxış edəcək.

F. Poladov da Akademik Milli Dram Teatrından istefa verməsi haqqında yayılan xəbərlərə aydınlıq gətirib. O, APA-ya açıqlamasında bildirib ki, teatrdakı işindən uzaqlaşıb: "Bəli, yayılan xəbərləri təsdiqləyirəm, teatrdakı işimdən getmişəm. Rəsmi müraciət etməmişəm, ərizə yoxdur. Sabah son tamaşamdır, "Müsyo İbrahim və Quran çiçəyi" tamaşasında oynayacağam. Məsələnin təfərrüatı haqqında açıqlama vermək istəmirəm".

Əlaqədar

Xalq artisti: "SSRİ-də doğulmuşlar" adlı konsert proqramına ilk dəfədir qatılıram
Tanınmış kinematoqrafa "Xalq artisti" fəxri adı verildi
Xalq artisti İlhamə Quliyeva ilə vida mərasimi başa çatıb
Xalq artisti Əliabbas Qədirovun 70 illik yubileyi keçirilib
Xalq artistinin məzarı ziyarət edildi
Teqlər:
Fuad Poladov, Akademik Milli Dram Teatrı, xalq artisti, istefa

Əsas mövzular