Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

İtalyan tenor "Sevgili canan"ı oxuyub

© AzərtacADA-da konsert
ADA-da konsert - Sputnik Azərbaycan
Abunə olmaq
Tenor Leonardo De Lisi ilk dəfə Üzeyir Hacıbəylinin "Sevgili canan" romansını oxuyub.

BAKI, 26 okt-Sputnik. Oktyabrın 26-da "ADA" Universitetinin Tələbə Mərkəzində İtalyan və Azərbaycan klassik musiqi əsərlərindən ibarət konsert proqramı təqdim edilib. Konsert "ADA" Universiteti və Üzeyir Hacıbəyli adına Bakı Musiqi Akademiyası (BMA) arasında əməkdaşlıq çərçivəsində təşkil olunub.

Universitetdən Sputnik-ə verilən məlumata görə, konsertdə İtalyan tenorları — Luici Çerubini Konservatoriyasının prorektoru, professor Leonardo De Lisi, konservatoriyanın tələbəsi Cuzeppe Sturace, instrumental ifaçılar Pyer Luici Rugiyero və Darya Neçayeva, eləcə də BMA-nın professorları Yeganə Axundova və Zəhra Quliyevanın ifasında məşhur klassik bəstəkarlar, o cümlədən Paolo Tosti, Bela Bartok, Frans List, Üzeyir Hacıbəyli, Qara Qarayev, Cövdət Hacıyev, Sevda İbrahimovanın əsərləri səsləndirilib.

"ADA"nın musiqili qonaqları eyni zamanda, BMA və Luigi Çerubini Konservatoriyası arasında ERASMUS proqramı çərçivəsində İtaliya-Azərbaycan musiqi mədəniyyəti və təhsil mübadiləsi proqramı barədə müzakirələr aparıb, hər iki ölkənin mədəniyyət ustalarının ustad dərslərindən maraqlı məqamları bölüşüblər.

Tenor Leonardo De Lisinin ilk dəfə ifa etdiyi Üzeyir Hacıbəylinin "Sevgili canan" romansını "ADA" Universitetinin tələbə və müəllim heyəti ayaqüstə alqışlayıb.

Xəbər lenti
0