09:41 20 Yanvar 2020
Canlı yayım
  • USD1.7000
  • RUB0.0274
  • EUR1.9035
MƏDƏNİYYƏT
Qısa URL
2410

Qırğızıstanda xoreoqrafiya sənətinin əsasını qoyan görkəmli balet ustası, SSRİ Xalq artisti B.Beyşenaliyevanın 90 illik yubileyinə həsr olunan festival keçiriləcək. Festivalda Azərbaycan da nümayəndələr iştirak edəcəklər.

BAKI, 10 may — Sputnik. Mayın 15-dən 21-nə kimi olan müddətdə A.Maldıbayov adına Qırğızıstan Milli Akademik Opera və Balet Teatrında IV Beynəlxalq balet festivalı keçiriləcək. Bu barədə Sputnik-ə Azərbaycan Opera və Balet Teatrının mətbuat xidmətindən məlumat verilib.

Verilən məlumata görə, festival Qırğızıstanda xoreoqrafiya sənətinin əsasını qoyan görkəmli balet ustası, SSRİ Xalq artisti B.Beyşenaliyevanın 90 illik yubileyinə həsr olunur. Festivalda bir sıra ölkələrdən olan balet ustaları ilə yanaşı Azərbaycandan da nümayəndələr iştirak edəcəklər.

Respublikamızı bu festivalda Azərbaycan Dövlət Akademik Opera və Balet Teatrının balet truppasının aparıcı solistləri — Azərbaycanın xalq artisti Gülağası Mirzəyev və əməkdar artist Nigar İbrahimova təmsil edəcəklər. Artistlər festival çərçivəsində baş tutacaq Qala konsertdə Q.Qarayevin "Yeddi gözəl" və A.Adanın "Jizel" baletindən səhnələrlə çıxış edəcəklər.

Əlaqədar

İlk opera müğənnimiz
Azərbaycanın tanınmış kabel televiziyası operatorundan yenilik
Dünya şöhrətli opera müğənnisi həbs edildi
"Riqoletto"da Azərbaycan və Ukrayna opera ustaları birgə çıxış edəcək
Teqlər:
İlahə Əfəndiyeva, Fərid Əliyev, Əyyub Quliyev, Azərbaycan Dövlət Opera və Balet Teatrı, festival, opera

Əsas mövzular