04:41 23 Oktyabr 2020
Canlı yayım
  • USD1.7000
  • RUB0.0274
  • EUR1.9035
AZƏRBAYCAN
Qısa URL
135 0 0

Amerikanın Virciniya ştatında yaşayan Şamama Məmmədova, Mənsurə Məmmədova və Elmira Səfərova Azərbaycan bayrağı tikiblər

Şahpəri Abbasova, Sputnik Azərbaycan

BAKI, 15 oktyabr — Sputnik. Son günlər Azərbaycan Ordusunun apardığı uğurlu əməliyyatlar nəticəsində Cəbrayıl şəhəri və bir sıra kəndlərimizin işğaldan azad olunması xəbəri dünya azərbaycanlılarını bir daha yumruq kimi birləşdirib. Amerikanın müxtəlif ştatlarında, Finlandiyada, Almaniyada, Böyük Britaniyada, Macarıstanda, İordaniya və digər ölkələrdə yaşayan azərbaycanlılar Qarabağ həqiqətlərini çatdırmaq məqsədilə müxtəlif tədbirlər həyata keçirib və şüarlar səsləndiriblər. Vəzifəsindən və tutduğu statusdan aslı olmayaraq hər kəs öz töhfəsini verməyə çalışır.

Amerikanın Virciniya ştatında yaşayan Şamama Məmmədova və qızı Mənsurə Məmmədova əl-ələ verib bayraq tikiblər. Bu barədə Sputnik Azərbaycan-a danışan Şamama Məmmədova deyir ki, sözügedən bayraq 6 saat müddətində tikilib: "Sözün düzü, mən müəlliməyəm. Yəni, demək istəyirəm ki, dərzilik işində elə də səriştəm yoxdur. Amerikada Qadınlar Cəmiyyətinin istəyi ilə biz bu bayrağı çox böyük həvəslə tikdik. Amerika vaxtı ilə saat 21-də başladıq, səhər 3-də yekunlaşdırdıq. Ən böyük arzumuz bundan da uzun bayraq tikib Qarabağımızda dalğalandırmaqdır. Qələbə günümüz üçün daha çox bayraq tikməyə hazırıq. Allah dövlətimizi, Ordumuzu, xalqımızı qorusun. Qarabağ Azərbaycandır!

Qeyd edək ki, onların tikdiyi bayrağın uzunluğu 15 metrdir. Onun dediyinə görə, hazırda başqa bir bayrağı tikməyə hazırlaşırlar.

Bundan başqa, Virciniyada yaşayan Elmira Səfərovanın tikdiyi böyük ölçülü bayraq nümayiş olunub.

Hər üç xanımın əl işi olan 3 rəngli bayrağımız Amerikada Ağ Evin qarşısında təşkil olunan mitinqdə dalğalanıb.

Əsas mövzular