03:39 29 Noyabr 2020
Canlı yayım
  • USD1.7000
  • RUB0.0274
  • EUR1.9035
AZƏRBAYCAN
Qısa URL
15 0 0

Rəssam Arif Hüseynov artıq bir neçə aydır koronavirusla mübarizədə azərbaycanlı həmkarlarına kömək edən kubalı tibb işçilərinə öz minnətdarlığını qeyri-adi şəkildə ifadə edib.

BAKI, 11 sentyabr — Sputnik, Kəmalə Əliyeva. Azərbaycanın Xalq rəssamı Arif Hüseynov COVID-19 pandemiyası ilə mübarizə aparmaq üçün Kubadan Bakıya gəlmiş tibb mütəxəssislərinə özünün məşhur əsərlərindən biri olna "Fitnə"ni hədiyyə edib. Bu barədə Sputnik Azərbaycan-a fırça ustasının özü bildirib.

© Sputnik / Kemale Aliyeva
Xalq rəssamı Arif Hüseynovun "Fitnə" əsəri

Hüseynov uzun illərdir ki, Azərbaycan-Kuba Dostluq Cəmiyyətinin sədridir. Ona görə də Kuba həkimləri ilə şəxsən görüşməyi və onlara öz minnətdarlığını bildirməyi qərara alıb.

"Ölkəmizə Kubadan 115 tibb mütəxəssisi gəlib. Onlar artıq bir neçə aydır ki, Azərbaycanda koronavirus pandemiyası ilə mübarizə aparırlar. Onların və həkimlərimizin sayəsində xəstələrin sayı gündən-günə azalır. Çox ümid edirəm ki, tezliklə biz hamımız normal həyata qayıda biləcəyik", - Hüseynov qeyd edib.

© Sputnik / Kemale Aliyeva
Azərbaycanın Xalq rəssamı Arif Hüseynov kubalı həkimlərə "Fitnə" əsərini hədiyyə edib

O, minnətdarlıq əlaməti olaraq, kubalı tibb işçilərinə özünün "Fitnə" əsərini hədiyyə edib. Bu əsər dahi Azərbaycan şairi Nizami Gəncəvinin "Sirlər xəzinəsi" poemasının motivləri əsasında çəkilib.

Qeyd edək ki, COVID-19 pandemiyası ilə mübarizə aparmaq üçün Azərbaycana təkcə Kubadan deyil, Rusiya və Çindən də tibb mütəxəssisləri gəliblər.

Əsas mövzular