CƏMİYYƏT
Cəmiyyətin həyatında baş verən aktual hadisələr

Rusiya Müdafiə nazirinin birinci müavini Azərbaycana gəlib

© AR Ministry of DefenceВстреча Керима Велиева с Русланом Цаликовым
Встреча Керима Велиева с Русланом Цаликовым - Sputnik Azərbaycan
Abunə olmaq
Azərbaycan ilə Rusiya arasında hərbi və hərbi-texniki sahələrdə qarşılıqlı fəaliyyət məsələlərinin də müzakirə olunduğu görüşdə bu əməkdaşlığın daha da möhkəmləndirilməsinin vacibliyi qeyd olunub.

BAKI, 3 sentyabr — Sputnik. Sentyabrın 3-də Müdafiə nazirinin müavini, general-leytenant Kərim Vəliyev Azərbaycanda işgüzar səfərdə olan Rusiya Federasiyası Müdafiə nazirinin birinci müavini Ruslan Tsalikovun rəhbərlik etdiyi nümayəndə heyəti ilə görüşüb.

Bu barədə Sputnik Azərbaycan-a Müdafiə Nazirliyindən məlumat verilib.

Əvvəlcə qonaqlar Hərbi Dəniz Qüvvələri qərargahı qarşısında ucaldılan ümummilli lider Heydər Əliyevin abidəsi önünə gül dəstələri qoyub, ehtiramlarını ifadə ediblər.

© AR Ministry of DefenceNümayəndə heyəti
Rusiya Müdafiə nazirinin birinci müavini Azərbaycana gəlib - Sputnik Azərbaycan
Nümayəndə heyəti

Qonaqları salamlayan nazir müavini Azərbaycan-Rusiya əlaqələrinin qurulmasında hər iki ölkə prezidentlərinin böyük rol oynadıqlarını və bu əməkdaşlığın qarşılıqlı etimad əsasında inkişaf etdiyini vurğulayıb.

Azərbaycan ilə Rusiya arasında hərbi və hərbi-texniki sahələrdə qarşılıqlı fəaliyyət məsələlərinin də müzakirə olunduğu görüşdə bu əməkdaşlığın daha da möhkəmləndirilməsinin vacibliyi qeyd olunub.

Bölgədəki hərbi-siyasi vəziyyətə toxunan K.Vəliyev bildirib ki, Ermənistan-Azərbaycan Dağlıq Qarabağ münaqişəsi regionda sabitliyə ən ciddi təhlükə olaraq qalır. Bu münaqişənin Azərbaycanın ərazi bütövlüyü çərçivəsində, beynəlxalq hüququn normaları və prinsipləri əsasında həllinə nail olunması vacibdir.

Rusiya Federasiyası Müdafiə nazirinin birinci müavini R.Tsalikov da öz növbəsində vurğulayıb ki, tarixi köklərə əsaslanan əlaqələri olan ölkələrimiz strateji tərəfdaşdırlar. Bu cür görüşlərin keçirilməsi də Azərbaycan-Rusiya münasibətlərinin inkişafı baxımından mühüm rol oynayır.

© AR Ministry of Defence Rusiya Federasiyası Müdafiə nazirinin birinci müavini Ruslan Tsalikov
Rusiya Müdafiə nazirinin birinci müavini Azərbaycana gəlib - Sputnik Azərbaycan
Rusiya Federasiyası Müdafiə nazirinin birinci müavini Ruslan Tsalikov

Tərəflər bu günlərdə "Beynəlxalq Ordu Oyunları - 2020" yarışları çərçivəsində Azərbaycanda keçirilən "Dəniz kuboku" müsabiqəsinin əhəmiyyətindən danışıblar.

R.Tsalikov da ölkəmizin "Dəniz kuboku" müsabiqəsinin yüksək səviyyədə təşkilinə və qonaqpərvərliyə görə Azərbaycan dövlətinin rəhbərliyinə təşəkkürünü bildirib.

Xəbər lenti
0