BAKI, 29 noyabr — Sputnik. Milli Məclisin bu gün keçirilən plenar iclasında büdcə zərfinə daxil olan sənədlər üçüncü oxunuşda qəbul edilib.
Sputnik Azərbaycan xəbər verir ki, "Azərbaycan Respublikasının 2020-ci il dövlət büdcəsi haqqında", "Sosial təminatı və müdafiəni həyata keçirən müvafiq icra hakimiyyəti orqanının 2020-ci il büdcəsi haqqında", “İşsizlikdən sığorta fondunun 2020-ci il dövlət büdcəsi haqqında", "Azərbaycan Respublikasında 2020-ci il üçün yaşayış minimumu haqqında", "Azərbaycan Respublikasında 2020-ci il üçün ehtiyac meyarının həddi haqqında" və büdcə zərfinə daxil olan digər sənədlər üçüncü oxunuşda qəbul edilib.
