QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Markov: "Qarabağ münaqişəsinin nizamlanması üçün çox yaxşı ilkin şərtlər var"

© Sputnik / Murad OrujovRusiyalı ekspert və politoloq, Siyasi Araşdırmalar Mərkəzinjn direktoru Sergey Markov
Rusiyalı ekspert və politoloq, Siyasi Araşdırmalar Mərkəzinjn direktoru Sergey Markov - Sputnik Azərbaycan
Abunə olmaq
Bu gün Azərbaycanın Xocalı şəhərində törədilmiş soyqırımının 27-ci ili tamam olur.

Eldar Tanrıverdiyev, Sputnik Azərbaycan

BAKI, 26 fevral — Sputnik. Bu gün Dağlıq Qarabağ münaqişəsinin nizamlanması üşün çox yaxşı ilkin şərtlər var. Sputnik Azərbaycan xəbər verir ki, bunu bu gün jurnalistlərə açıqlamasında rusiyalı ekspert və politoloq, Siyasi Araşdırmalar Mərkəzinjn direktoru Sergey Markov bildirib.

Markov qeyd edib ki, Rusiya Qarabağ münaqişəsinin nizamlanması üzrə həmsədr ölkələrdən biridir: "Biz bu gün Xocalı faciəsi qurbanlarının xatirəsinə həsr olunan yürüşdə də iştirak etdik. Biz Azərbaycan xalqı faciə qurbanlarını yad edirik". 

Xocalı faciəsi Azərbaycan xalqına qarşı soyqırımı kimi tanınmalıdır” - Sputnik Azərbaycan
VİDEO
"Xocalı faciəsi Azərbaycan xalqına qarşı soyqırımı kimi tanınmalıdır”

Qeyd edək ki, bu gün Azərbaycanın Xocalı şəhərində törədilmiş soyqırımının 27-ci ili tamam olur.

1992-ci il fevralın 25-dən 26-na keçən gecə erməni hərbi birləşmələri keçmiş SSRİ-nin 366-cı motoatıcı alayının köməyi ilə Xocalı şəhərini işğal edərək, burada yaşayan dinc əhaliyə — azərbaycanlılara qarşı soyqırımı törədib.

Erməni silahlı birləşmələri SSRİ dövründən Xankəndi şəhərində dislokasiya olunmuş 366-cı motoatıcı alayının zirehli texnikası və hərbi heyətinin köməkliyi ilə 1992-ci il fevralın 25-dən 26-na keçən gecə Xocalı şəhərinə hücuma keçiblər. Mühasirəyə alınan şəhərin 2500 sakini xilas olmaq üçün Ağdam istiqamətində hərəkət edib. Lakin pusquda dayanan ermənilər dinc sakinləri gülləbaran ediblər.

Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. Girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.

Савельев Дмитрий Иванович - первый заместитель председателя комитета Госдумы РФ по безопасности и противодействию коррупции - Sputnik Azərbaycan
QARABAĞ
Rusiyalı deputat: "Xocalı qətliamının soyqırım kimi tanınmasına çalışmalıyıq"

Xocalı soyqırımının ildönümü hər il Azərbaycan və dünyanın bir çox ölkəsində qeyd olunur. Bu tədbirlərdə ermənilərin Xocalıda törətdiklərini əks etdirən foto-stendlər, sənədli filmlər nümayiş olunur, soyqırımı həqiqətlərini əks etdirən kitablar sərgilənir.

2008-cu ilin mayından İslam Konfransı Təşkilatı Gənclər Forumunun (İKGF) Mədəniyyətlərarası Dialoq üzrə baş koordinatoru Leyla Əliyevanın təşəbbüsü ilə "Xocalıya Ədalət" kampaniyası keçirilir. Kampaniyanın məqsədi beynəlxalq ictimaiyyətin Xocalı faciəsi ilə bağlı məlumatlandırılması, faciəyə beynəlxalq aləmdə mənəvi-siyasi qiymət verilməsi və beynəlxalq səviyyədə anılmasını təmin etməkdir. Kampaniyanın beynəlxalq əlaqələndirilməsi www.justiceforkhojaly.org saytı vasitəsilə aparılır.

Xəbər lenti
0