10:24 16 Noyabr 2018
Canlı yayım
  • USD1.7000
  • RUB0.0258
  • EUR1.9267
“Regionlarda maarifləndirmə və sorğu” layihəsi

Fermerlərə güzəşt müqavilələri təqdim edildi

© Foto: AR Kənd Təsərrüfatı Nazirliyinin mətbuat xidməti
AZƏRBAYCAN
Qısa URL
29 0 0

Görüşdə vətəndaşlar lizinq qaydaları və tətbiq edilən güzəştlər, innovativ yeniliklər barədə maarifləndirilib, elektron xidmətlər barədə ətraflı məlumat verilib

BAKI, 6 avgust — Sputnik. "Aqrolizinq" Açıq Səhmdar Cəmiyyəti (ASC) vətəndaşlara göstərilən xidmətlər və lizinq qaydaları ilə bağlı maarifləndirmə işlərini davam etdirir.

Kənd Təsərrüfatı Nazirliyinin mətbuat xidmətindən Sputnik Azərbaycan-a verilən məlumata görə, "Aqrolizinq" ASC bu məqsədlə mövcud problemlərin dinlənilməsi və yerindəcə həll edilməsi məqsədilə "Regionlarda maarifləndirmə və sorğu" layihəsinə start verib.

İlk belə tədbir Şəmkir rayonunda keçirilib. Şəmkir Rayon Kənd Təsərrüfatı İdarəsinin inzibati binasında keçirilən tədbirdə "Aqrolizinq" ASC-nin bir qrup rəhbər işçisi Şəmkir, Ağstafa, Qazax, Tovuz, Daşkəsən, Göygöl, Samux və Gədəbəy rayonlarından olan sakinlər, həmçinin fermer və təsərrüfat sahibləri ilə görüşüblər.

Görüşdə vətəndaşlar lizinq qaydaları və tətbiq edilən güzəştlər, innovativ yeniliklər barədə maarifləndirilib, elektron xidmətlər barədə ətraflı məlumat verilib. Sonra kəndli və fermerlərin qarşılaşdıqları mövcud problemlər və onların həlli yolları müzakirə edilib, təkliflər dinlənilib.

Görüşün sonunda vətəndaşlara güzəşt müqavilələri təqdim edilib.

Əlaqədar

Fermerlərə böyük məbləğdə yardım ediləcək: Qərar qəbul olundu
Bölgələrdə fermerlər gözlənilməz problemlə üzləşiblər
Yanğın fermerlərə ziyan vurdu

Əsas mövzular