01:10 21 İyun 2018
Canlı yayım
  • RUB0.0267
  • USD1.7000
  • EUR1.9671
Azərbaycan bayrağı

Azərbaycan bayrağına hörmətsizlik edən türk professor qovuldu

© Sputnik / Murad Orujov
AZƏRBAYCAN
Qısa URL
525 0 0

Universitet rəhbərliyi məsələnin həssaslığını nəzərə alaraq, Azərbaycan bayrağına hörmətsizlik edən professorun dərsini verib

BAKI, 18 dekabr — Sputnik. Türkiyənin Uludağ Universitetinin ilahiyyatçı professoru Salih Pay Azərbaycan bayrağına olan hörmətsizliyin hesabını ağır ödəyib.

Sputnik Azərbaycan yenicag.az-a istinadən xəbər verir ki, Uludağ Universitetinin müəllim-tələbə heyəti, o cümlədən Türkiyə və Azərbaycan ictimaiyyətinin kəskin reaksiyasını nəzərə alan rəhbərlik təfriqəçi professoru işdən azad edib.

Məlumata görə, hazırda Salih Payın fəaliyyəti ilə bağlı araşdırma aparılır.

Xatırladaq ki, bir neçə gün əvvəl Salih Payın göstərişi ilə Uludağ Universitetindəki Azərbaycan bayrağı endirilib. Buna səbəb Ermənistan bayrağının universitetdə quraşdırılmış bayraqlar sırasından çıxarılması olub. Salih Pay bu addımı universitetdəki Ermənistan bayrağının azərbaycanlı tələbələr tərəfindən çıxarıldığını düşünərək atdığını deyib. Pay, hətta şərt də qoyub: "Azərbaycan bayrağı yalnız Ermənistanın bayrağı öz yerinə qaytarıldıqdan sonra asılacaq".

Payın bu hərəkəti sözügedən universitetdə ciddi əks-səda doğurub və tələbələrin kəskin etirazına yol açıb. Eyni zamanda Türkiyə və Azərbaycan ictimaiyyəti də professorun bu rəzil hərəkətini sərt narazılıqla qarşılamışdı.

Göründüyü kimi, universitet rəhbərliyi məsələnin həssaslığını nəzərə alaraq, Azərbaycan bayrağına hörmətsizlik edən professorun dərsini verib.

Əlaqədar

Azərbaycan bayrağına hörmətsizliyə görə maşın cərimə meydançasına aparıldı
Azərbaycan bayrağı endirildi
Paralimpiya kəndində Azərbaycan bayrağı qaldırılıb
Rio-de-Janeyroda təntənəli surətdə Azərbaycan bayrağı qaldırılıb
Rio-da Olimpiya kəndində Azərbaycan bayrağı qaldırılıb
Teqlər:
işdən çıxarılma, Uludağ Universiteti, hörmətsizlik, professor, bayraq, Azərbaycan

Əsas mövzular