CƏMİYYƏT
Cəmiyyətin həyatında baş verən aktual hadisələr

Bunu da gördük: Bibi qardaşı oğlunu bıçaqladı

© Sputnik / Murad OrujovЖенщина наносит удар ножом, фото из архива
Женщина наносит удар ножом, фото из архива - Sputnik Azərbaycan
Abunə olmaq
Hadisəni törədən qadın saxlanılaraq istintaqa təhvil verilib

BAKI, 16 noyabr — Sputnik. Tovuz rayonunda bıçaqlanma hadisəsi baş verib. Sputnik Azərbaycan Trend-ə istinadla xəbər verir ki, hadisə bu gün səhər saatlarında rayonun mərkəzi hissəsində baş verib.

Sumqayıt şəhər sakini, 1990-cı il təvəllüdlü Qasımov Cavid Fəzail oğlu bibisigilə qonaq gəlib. 27 yaşlı gənc mübahisə zəminində elə öz bibisi tərəfindən bıçaqlanıb. Bibisinin evinə qonaq gedən Cavid Qasımov səhər saat 05:00 radələrində həmin evi qarət etmək istəyib.

Bu məqsədlə o maskalı vəziyyətdə evdə axtarışlar aparıb. Hadisədən xəbər tutan ev sahibi evinə oğru girdiyini hiss edib və həmin maskalı şəxsi yaxalayıb. Oğrunun başqa şəxs olduğunu zənn edən ev sahibi maskalı şəxsi bıçaqlayıb.

Bədəninin müxtəlif yerlərindən 3 bıçaq zərbəsi alan C.Qasımov təcili Tovuz rayon Mərkəzi Xəstəxanasına çatdırılaraq əməliyyat olunub.

Yaralının vəziyyəti ağırdır və o xəstəxananın reanimasiya şöbəsinə yerləşdirilib.

Faktla bağlı Tovuz rayon Prokurorluğunda cinayət işi başlanıb. Hadisəni törədən qadın saxlanılaraq istintaqa təhvil verilib.

Xəbər lenti
0