BAKI, 8 aprel-Sputnik. Azərbaycanın xarici işlər naziri Elmar Məmmədyarov MDB-yə üzv dövlətlərin xarici işlər nazirləri Şurasının iclasında iştirak etmək üçün Rusiyada səfərdədir.
Sputnik-in məlumatına görə, toplantıda XİN rəhbərləri (Qırğızıstan, Qazaxıstan və Rusiya) Dağlıq Qarabağda atəşkəs rejiminin saxlanılmasını dəstəkləyən bəyanatla çıxış ediblər:
"Münaqişə tərəflərini atəşkəsə ciddi şəkildə əməl etməyə və dözümlülük nümayiş etdirməyə çağırırıq".
Xarici KİV-lər Elmar Məmmədyarovun ermənistanlı həmkarı Edvard Nalbandyanla əl tutub görüşməsini bölgədə sülhün əldə olunmasının işarəsi kimi qiymətləndiriblər
© REUTERS / Sergei Karpukhin
Toplantıda əsas diqqətlər Ermənistan və Azərbaycan xarici işlər nazirlərinin görüşünə ayırılıb.
Xarici KİV-lər Elmar Məmmədyarovun ermənistanlı həmkarı Edvard Nalbandyanla əl tutub görüşməsini bölgədə sülhün əldə olunmasının işarəsi kimi qiymətləndiriblər.
