CƏMİYYƏT
Cəmiyyətin həyatında baş verən aktual hadisələr

İtkin düşən neftçidən ürək dağlayan sözlər

© Photo : STRNeft
Neft - Sputnik Azərbaycan
Abunə olmaq
Dedi ki, uşaqlardan muğayat ol, qayıtmasam, məni bağışla.

BAKI, 7 dek —Sputnik. Son dəfə zəng edəndə dedi ki, uşaqlardan muğayat ol, bəlkə qayıtmadım. Qayıtmasam məni bağışla.

Sputnik-in məlumatına görə bu sözləri APA-ya "Günəşli" neft yatağında baş verən yanğında itkin düşən 29 neftçidən biri — Şirvan şəhər sakini Bayram Mirzəağa oğlu Qasımovun həyat yoldaşı Ülkər Qasımova deyib.

Valideynlərini bir müddət əvvəl itirən Bayram ailənin yeganə övladı olub. 37 yaşlı Bayram ayın 15 gününü dənizdə işləyib. 3 övlad atası olub. Böyük oğlu Məmmədağanın 15, ortancıl oğlu Nurlanın 11 və sonbeşikləri olan qızı Məleykənin isə 6 yaşı var.

Qəza anında həyata yoldaşı Ülkər xanıma zəng edib: "Dedi ki, xilasedici qayığa minirik, burda yanğın baş verib, xilas olmağa çalışırıq, qayıtmasam, uşaqlardan muğayat ol, məni bağışla. Xilasedici qayığa minən anda nə baş verdisə, sözü yarımçıq qaldı. Qışqırıqdan sonra səs kəsildi".

Xəbər lenti
0