Aleksandr Lukaşenko: Xəzərdəki faciə belarusluları qəlbən sarsıtdı

Abunə olmaq
Nursultan Nazarbayev: Həlak olanların doğmalarına dərindən kədərləndiyim və dəstəyim barədə sözlərimi çatdırın.

BAKI, 6 dek-Sputnik. Qazaxıstan Prezidenti Nursultan Nazarbayev Azərbaycan Prezidenti İlham Əliyevə "Günəşli" yatağındakı 10-cu dərin dəniz özülündə baş vermiş güclü yanğınla əlaqədar başsağlığı verib.

Sputnik-in məlumatına görə, bu barədə Qazaxıstanın Azərbaycandakı səfirliyindən bildiriblər. Başsağlığında deyilir: "Günəşli" neft platformasında yanğın nəticəsində insanların həlak olması ilə əlaqədar dərin hüznlə başsağlığımı qəbul edin.

Həlak olanların doğmalarına və yaxınlarına dərindən kədərləndiyim və dəstəyim barədə sözlərimi, bütün xəsarət alanlara tezliklə sağalmaq arzularımı çatdırmağı xahiş edirəm.

Belarus Respublikasının Prezidenti Aleksandr Lukaşenko da İlham Əliyevə başsağlığı verib. ""Günəşli" dəniz yatağındakı platformada baş vermiş faciə barədə xəbər Sizin kədərinizə şərik olan belarusluları qəlbən sarsıtdı.

Hörmətli İlham Heydər oğlu, Sizə, həlak olanların doğmalarına və yaxınlarına, bütün Azərbaycan xalqına Belarus xalqı adından və şəxsən öz adımdan dərin hüznlə başsağlığı verir, xəsarət alanların hamısına tezliklə sağalmağı arzu edirəm." — Lukaşenko bildirib.

Xəbər lenti
0