CƏMİYYƏT
Cəmiyyətin həyatında baş verən aktual hadisələr

Terrorla məşğul olanlar Azərbaycan vətəndaşlığından çıxarılacaqlar

© internethaber.comterror
terror - Sputnik Azərbaycan
Abunə olmaq
"Azərbaycan Respublikasının vətəndaşlığı haqqında" qanuna dəyişiklik ediləcək.

BAKI, 2 dek-Sputnik. "Azərbaycan Respublikasının vətəndaşlığı haqqında" qanuna dəyişiklik ediləcək. 

Sputnik APA-ya istinadən xəbər verir ki, bununla bağlı layihə bu gün Milli Məclisdə Hüquq siyasəti və dövlət quruculuğu, Dini qurumlar və ictimai birliklər komitəsinin birgə iclasında müzakirəyə çıxarılacaq.

Layihəyə əsasən Azərbaycan Respublikası vətəndaşlığının itirilməsi ilə bağlı 18-ci maddəyə yeni əlavələr (3-1, 3-2) ediləcək. Beləliklə, Azərbaycan Respublikasının vətəndaşı terror fəaliyyətində iştirakı və Azərbaycan Respublikasının Konstitusiya quruluşunun zorla dəyişdirilməsi hərəkətlərinin həyata keçirilməsi (3-1) və Azərbaycan Respublikasının vətəndaşının dini ekstremist fəaliyyət və ya dini təhsil adı altında xarici dövlətdə hərbi təlim keçməsi, düşmənçilik zəminində dini məzhəblərin yayılması və ya dini ayinlər adı altında xarici dövlətdə dini münaqişələrdə iştirak etməsi və ya həmin fəaliyyətə digər şəxsi cəlb etməsi, yaxud bu məqsədlə silahlı qrup yaratması Azərbaycan vətəndaşlığının itirilməsi ilə nəticələnəcək.

Qanun layihəsi bu gün komitələrin birgə iclasında müzakirədən sonra dekabrında 4-də Milli Məclisin plenar iclasında müzakirəyə çıxarılacaq.

Xəbər lenti
0