BAKI, 20 noy —Sputnik. Amerika-Azərbaycan ticarət palatası ("USACC") prezident İlham Əliyevi "Leadership" mükafatı ilə təltif edib.
Sputnik xəbər verir ki, mükafat ölkə başçısının "USACC"a göstərilən dəstəyə görə verilib.
Mükafat prezident İlham Əliyevin nümayəndəsi qismində çıxış edən maliyyə naziri Samir Şərifova təqdim olunub.
"Bu palatanı təsis edən gündən Ulu öndər Heydər Əliyev bizə daim dəstək olub. Eyni münasibəti biz prezident İlham Əliyevdən gördük", — deyə palatanın təsisçisi Reza Veziri deyib.
Öz növbəsində S. Şərifov qeyd edib ki, prezident İlham Əliyev "bu şərəfli mükafatı qəbul etmək üçün tapşırıq verib". Bundan sonra mükafat təqdim edilib.
