Bakı, 9 noy — Sputnik. Noyabrın 8-də Dövlət Bayrağı Günü ərəfəsində Müdafiə Nazirliyinin rəhbərliyi və Daxili İşlər Nazirliyi Daxili Qoşunların Komandanlığı adından şəhidlərin məzarları ziyarət olunub, ruhlarına dualar oxunub, xatirələri bir dəqiqəlik sükutla yad edilib.
İlk olaraq Azərbaycanın Milli Qəhrəmanı Mübariz İbrahimovun məzarı önünə gətirilən əklillər və gül dəstələrini Müdafiə Nazirliyi adından general-mayor Rasim Əliyev və Daxili Qoşunlar Komandanlığı adından isə general-mayor Şirin Xəlilov qoyub.
Vətənimizin azadlığı uğrunda şəhid olan digər şəhidlərin də xatirələri yad edilib və məzarları üstünə gül dəstələri qoyulub.
© mod.gov.az
Sonra Vətənimizin azadlığı uğrunda şəhid olan digər şəhidlərin də xatirələri yad edilib və məzarları üstünə gül dəstələri qoyulub.
