BAKI, 11 yanvar — Sputnik. Rusiya və ABŞ noyabrda ikitərəfli ticarət dövriyyəsini 2024-cü il ərzində iki dəfə azaldaraq 187 milyon dollara qədər endiriblər. Bu barədə RİA Novosti ABŞ statistika xidmətinin məlumatlarının təhlilinə əsasən məlumat yayıb.
Belə ki, 2024-cü ilin payızın sonunda ikitərəfli ticarət dövriyyəsi 186,6 milyon dollar təşkil edib ki, bu da 2023-cü ilin noyabr ayı ilə müqayisədə 2,3 dəfə azdır. Bu, son 30 ildə ikinci ən aşağı göstərici olub.
Rusiyanın ABŞ-a ixracı illik ifadədə 2,6 dəfə azalaraq 137,9 milyon dollar təşkil edib. Eyni zamanda, ABŞ mallarının tədarükü noyabrda 29% azalaraq 49 milyon dollar təşkil edib.
Ötən ilin ilk on bir ayında ikitərəfli ticarət 2023-cü ilin eyni dövründəki 4,8 milyard dollardan 3,4 milyard dollara düşüb. Eyni zamanda, Rusiya mallarının satışı 1,5 dəfə azalaraq 2,9 milyard dollar, ABŞ mallarının satışı isə 9,4% azalaraq 488,1 milyon dollar təşkil edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.