BAKI, 11 yanvar — Sputnik. NATO ölkələri Arktika regionunda Rusiya ilə mümkün münaqişəyə hazır deyillər.
Bu barədə "The Sun" ekspert hesablamalarına istinadən məlumat yayıb.
"Bizim NATO qoşunlarımız var, lakin onlar Arktika şəraitində hələ döyüş başlamadan sağ qala bilərlərmi?" - Avropa Siyasətinin Təhlili Mərkəzinin müdafiə və təhlükəsizlik məsələləri üzrə baş mütəxəssisi Minna Alander bildirib.
O, qeyd edib ki, hətta ABŞ bu cür şəraitdə əsas təlim və əməliyyatlar keçirmək üçün lazımi bacarıqlara malik deyil.
Bundan əvvəl ABŞ-da keçirilən seçkilərdə qalib gələn Donald Trampın Arktikanın inkişafına yardım təklif etməklə Ukraynadakı münaqişəni həll edə biləcəyi bildirilirdi.