BAKI, 4 yanvar — Sputnik. Finlandiya və Estoniyanı birləşdirən "EstLink 2" elektrik kabelinin yenidən qurulması 30 milyon avrodan çox başa gələcək.
Bu barədə "Kauppalehti" xəbər verir.
Elektrik şəbəkələri ilə məşğul olan Finlandiyanın "Fingrid" şirkətinin nümayəndəsi Arto Pahkinen qeyd edib ki, kabelin bərpası üzrə iş, təxminən 7 aya yaxın vaxt aparacaq. O, konkret vaxt çərçivələrinin qarşıdan gələn həftədə müəyyən olunacağına aydınlıq gətirib.
Xatırladaq ki, dekabrın 25-də Baltik dənizində Estoniyanı Finlandiya ilə birləşdirən "EstLink 2" elektrik kabelində qəza baş verib. Bu hadisə nəticəsində Finlandiya sərhəd xidməti gəminin kabelin zədələnməsi ilə əlaqəli ola biləcəyini güman edərək, Sankt-Peterburqdan çıxan neft və filiz daşıyıcısı "Eagle S"ni saxlayıb.