BAKI, 1 yanvar — Sputnik. Rusiyada orta mənzilli "Oreşnik" ballistik raketinin yaradılması ölkənin hipersəs silahları sahəsində texnoloji liderliyini sübut etdi.
Bunu Rusiya Milli Tədqiqatlar Mərkəzinin (MTM) Kurçatov İnstitutunun Prezidenti Mixail Kovalçuk "İzvestiya"ya müsahibəsində bildirib.
"Bugünkü silahımız hipersəsdir. "Oreşnik" bizim təkcə texnoloji suverenliyimizi deyil, texnoloji liderliyimizi nümayiş etdirir. Biz əlçatmaz bir zirvədəyik" – Kovalçuk sözünə davam edib.
Kovalçuk, həmçinin qeyd edib ki, bu gün texnoloji suverenlik dövlət prioritetidir.
"Əgər texnoloji cəhətdən asılısınızsa, xüsusilə bu gün suveren ola bilməzsiniz" – ekspert fikrini bildirib.
Kurçatov İnstitutunun rəhbəri, həmçinin Rusiya Federasiyasının termonüvə tədqiqatları və plazma texnologiyaları sahəsində potensialını da qeyd edib.
Xatırladaq ki, Rusiya Prezidenti Vladimir Putin dekabrın 19-da keçirdiyi mətbuat konfransında bildirmişdi ki, "Oreşnik" sadəcə ilin hadisəsi deyil, raket-kosmos sahəsində tarixi hadisədir. O, Qərb ölkələrinə sübut edib ki, onların ən yaxşı hava hücumundan müdafiə sistemləri belə, Rusiyanın hipersəs silahlarının öhdəsindən gəlmək iqtidarında deyil.