BAKI, 30 dekabr — Sputnik. “Oreşnik” raket sistemi ən güclü adi silaha çevrilib. Yeni Rusiya silahının gücünü hərbi analitik Draqo Bosniya InfoBRICS portalı üçün materialda qiymətləndirib.
“Sürət və manevr qabiliyyəti ilə birlikdə “Oreşnik” indiyə qədər yaradılmış ən güclü adi silahdır”, - anlitik bildirib. Onun fikrincə, xüsusiyyətlərinə görə yeni Rusiya raketinin qarşısını almaq demək olar ki, mümkün deyil.
Bundan əvvəl Rusiya prezidenti Vladimir Putin Rusiya Silahlı Qüvvələrinin ən son orta mənzilli “Oreşnik” raketlərindən istifadə etdiyini açıqlamışdı. Onun sözlərinə görə, hücum Dnepropetrovskdakı hərbi-sənaye obyektinə edilib.
Putinin sözlərinə görə, Rusiya Kiyevin öz ərazisində ABŞ və Britaniya istehsalı olan silahlardan istifadə etməsinə cavab olaraq “Oreşnik”dən istifadə edib. Rusiya zərbəsi raket və kosmik texnologiya istehsal edən böyük Ukrayna müəssisəsi olan Cənub Maşınqayırma Zavoduna (Yujmaş) dəyib.