BAKI, 28 dekabr — Sputnik. Türkmənistan Hava Yolları dekabrın 30-dan etibarən Aşqabaddan Moskvaya uçuşları bir ay müddətinə dayandıracaq. bu barədə aviaşirkətin mətbuat xidməti xəbər verir.
"Hörmətli sərnişinlər, dekabrın 30-dan yanvarın 31-dək Aşqabad-Moskva-Aşqabad marşrutu üzrə müntəzəm reyslər ləğv edilib", - məlumatda deyilir.
Qeyd olunur ki, sərnişinlər artıq alınmış biletlərin pulunu tam şəkildə geri ala biləcəklər.
Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 38-i həlak olub, 29-u sağ qalıb.
Dövlət başçısının tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.
Prezidenti İlham Əliyev çoxsaylı insan itkisindən sonra dekabrın 26-da ölkədə matəm elan edilməsi ilə bağlı Sərəncam imzalayıb.