BAKI, 28 dekabr — Sputnik. Rusiyada miqrant uşaqlarının rus dili bilikləri olmadan məktəbə qəbulu qadağan edilib.
Bu barədə Rusiya Prezidenti Vladimir Putin müvafiq qanunu imzalayıb.
Qeyd edək ki, dekabrın 11-də Rusiya Dövlət Dumasında rus dilini bilməyən miqrant uşaqlarının məktəblərə qəbulunu qadağan edən qanun layihəsinə baxılıb. Duma rus dilini bilməyən miqrant uşaqlarının məktəblərə qəbulunu qadağan edən qanunu üçüncü oxunuşda qəbul edib. Qanun lehinə 409 deputat, əleyhinə isə bir deputat səs verib.
11.12.24, 23:21
Rusiya Dövlət Duması miqrant uşaqları ilə bağlı qanun qəbul edib
Rusiya Dövlət Duması plenar iclasda rus dilini bilməyən miqrantların uşaqlarının Rusiya məktəblərinə qəbulunu qadağan edən qanun layihəsini ikinci və üçüncü, yekun oxunuşda qəbul edib.
Layihənin müəllifləri arasında Dövlət Dumasının sədri Vyaçeslav Volodin, Dövlət Dumasının sədr müavini İrina Yarovaya, Dumanın əsas komitələrinin və fraksiya rəhbərləri var.
Qanuna görə, əcnəbi vətəndaşların ibtidai ümumi, əsas ümumi və orta ümumi təhsilin təhsil proqramlarına qəbulu yalnız dövlət və ya bələdiyyə təhsil təşkilatında pulsuz əsaslarla rus dilini bilmək üçün imtahandan uğurla keçdikləri halda mümkündür. Eyni zamanda, sınaq imtahanından keçməyən şəxslərin göstərilən təhsil proqramlarını mənimsəməsinə icazə verilməyəcək.
Həmçinin Rusiya Federasiyasının ərazisində qeyri-qanuni yaşayan şəxslərin məktəbə qəbul edilə bilməyəcəyinin müəyyən edilməsi təklif edilir.
Qeyd olunur ki, Təhsil və Elmdə Nəzarət üzrə Federal Xidməti testlərin keçirilməsinə metodiki dəstək, onun həyata keçirilməsi üçün diaqnostik materialların işlənib hazırlanmasının təşkili, rus dili üzrə biliklərin qiymətləndirilməsi meyarları, habelə belə testlərin uğurla başa çatmasını təsdiq edən minimum balların müəyyən edilməsini həyata keçirəcək.