BAKI, 26 dekabr - Sputnik. Sabah, dekabrın 27-də Sumqayıt şəhərində və ətraf qəsəbələrdə əhaliyə qazın verilişi dayandırılacaq.
Bu barədə məlumatı "Azəriqaz" yayıb.
"Sumqayıt şəhərinin qaz təchizatının yaxşılaşdırılması məqsədilə görüləcək təmir-quraşdırma işləri ilə bağlı 27.12.2024-cü il tarixində saat 09:00-dan etibarən işlər başa çatanadək “Sumqayıt” QPS-dən qidalanan “Şəhər qazı-4(Sumqayıt)” ölçü qovşağından qaz təchizatının dayandırılması planlaşdırılır" - məlumatda deyilir.
Təmir işləri aparılan müddətdə Sumqayıt şəhərinin böyük hissəsinin qaz təchizatının dayandırılması, günün ikinci yarısında işlər başa çatdıqdan sonra qaz təchizatının bərpası planlaşdırılır.