BAKI, 25 dekabr — Sputnik. İsrail qoşunlarının Qəzza zolağından çıxarılması, atəşkəs, əsir və məhbusların mübadiləsi və köçkünlərin geri qaytarılması ilə bağlı yeni şərtlər irəli sürüb. Bu barədə Fələstinin HƏMAS hərəkatı məlumat yayıb.
HƏMAS bəyanatında Qətər və Misirin vasitəçiliyi ilə Qəzzada atəşkəs və əsir mübadiləsi üzrə danışıqların Dohada aparıldığını qeyd edib.
"Hərəkat məsuliyyət və çeviklik nümayiş etdirib, lakin işğal geri çəkilmə, atəşkəs, əsirlərin mübadiləsi və məcburi köçkünlərin geri qaytarılması ilə bağlı yeni suallar ortaya çıxarıb və yeni tələblər irəli sürülüb", - bəyanatda deyilir.
7 oktyabr 2023-cü ildə İsrail Qəzza zolağından görünməmiş raket hücumuna məruz qalıb. Bundan sonra Fələstinin HƏMAS hərəkatının döyüşçüləri sərhəd bölgələrinə daxil olaraq hərbçilərə və mülki şəxslərə atəş açıb, 200-dən çox insanı girov götürüb. Səlahiyyətlilərin məlumatına görə, təxminən 1,2 min nəfər ölüb.
İsrail Müdafiə Qüvvələri Qəzza zolağında mülki hədəflərə hücumları əhatə edən Dəmir Qılınclar əməliyyatına başlayıb. İsrail anklavı tam blokadaya aldığını elan edib: su, elektrik, yanacaq, ərzaq və dərman təchizatı dayandırılıb. Qəzza Səhiyyə Nazirliyinin məlumatına görə, 42 minə yaxın insan həlak olub, 97 mindən çox insan yaralanıb. Qəzza zolağı faktiki olaraq cənub və şimal hissələrə bölünüb və İsrail HƏMAS-ın son qalası sayılan Rəfahda quru əməliyyatı keçirir.
Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Moskvanın mövqeyinə görə, nizamlanma yalnız paytaxtı Şərqi Qüdslə 1967-ci il sərhədləri daxilində Fələstin dövlətinin yaradılması ilə BMT Təhlükəsizlik Şurasının təsdiq etdiyi düstur əsasında mümkündür.