BAKI, 24 dekabr — Sputnik. Dekabrın 24-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 24-də kimlər anadan olub?
İlham Əliyev (1961) – 2003-cü il oktyabrın 31-dən Azərbaycan Prezidentidir.
Hovard Hyuz (1905-1976) - amerikalı sahibkar, mühəndis, aviasiya pioneri, rejissor, milyarder və prodüserdir. O, "Hughes Tool Company", "Hughes Aircraft", "AirWest", "Hughes Helicopters", "TWA2, "HHMI", "RKO Pictures" şirkətlərinin sahibidir.
Viktor Balaşov (1924-2021) – rusiyalı teleaparıcı, radio və televiziya diktoru, Rusiyanın xalq artista və Böyük Vətən Müharibəsi iştirakçısıdır.
Viktor Balaşov
© Sputnik / Владимир Трефилов
Leonid Filatov (1946-2003) - rusiyalı aktyor, rejissor, şair, publicist və Rusiyanın xalq artistidir.
Riki Martin (1971) - Puerto Riko pop musiqiçisi, müğənni, aktyor və yazıçıdır.
Riki Martin
© Sputnik / Нина Зотина
Mariya Zaxarova (1975) – Rusiya Federasiyası Xarici İşlər Nazirliyinin informasiya və mətbuat departamentinin direktoru, 10 avqust 2015-ci ildən Rusiya Xarici İşlər Nazirliyinin rəsmi nümayəndəsi və tarix elmləri namizədidir.
Rusiya Xarici İşlər Nazirliyinin sözçüsü Mariya Zaxarova, arxiv
© Sputnik / Григорий Сысоев
Dima Bilan (1981) – Rusiya Federasiyasının əməkdar artisti və müğənnidir. O, Rusiyanı iki dəfə Avroviziya Mahnı Müsabiqəsində təmsil edib: 2006-cı ildə "Never Let You Go" mahnısı ilə ikinci, 2008-ci ildə "Believe" mahnısı ilə birinci yeri tutaraq Rusiyadan bu müsabiqədə qalib gələn yeganə ifaçı olub.
Dekabrın 24-də dünyada baş verən tarixi hadisələr
1801-ci ildə ingilis mexanik-konstruktor Riçard Trevitik İngiltərənin cənub-qərbində ilk buxar avtomobilini nümayiş etdirib.
1951-ci ildə Liviya müstəqil suveren dövlət - Kral I İdrisin başçılığı ilə Liviya Birləşmiş Krallığı elan edilib. Liviya BMT-nin qərarı ilə müstəqillik qazanan ilk ərəb dövləti və ilk müstəqil Afrika dövlətlərindən biri olub.
2002-ci ildə Azərbaycanda "Azərbaycan Respublikasında insan hüquq və azadlıqlarının həyata keçirilməsinin tənzimlənməsi haqqında" konstitusiya qanunu qəbul edilib.
2007-ci ildə Şirvan şəhərində Azərbaycan Prezidenti İlham Əliyevin iştirakı ilə "Cənub" elektrik stansiyasının təməlqoyma mərasimi keçirilib. Gücü 780 meqavat olan stansiya 2013-cü ildə istismara verilib.
2008-ci ildə Bakının Qaradağ rayonunda Azərbaycan Prezidenti İlham Əliyevin iştirakı ilə 300 meqavat gücündə "Səngəçal" elektrik stansiyasının istifadəyə verilməsi mərasimi keçirilib.
2011-ci ildə Azərbaycan Prezidenti İlham Əliyevin və Birinci vitse-prezident Mehriban Əliyevanın iştirakı ilə "Baku White City" ("Bakı Ağ Şəhər") layihəsinin təməli qoyulub. Bakı buxtasının sahilindəki 221 hektar ərazi bir vaxtlar "Qara şəhər" kimi tanınıb və ekoloji baxımdan tamamilə yararsız olub.