BAKI, 22 dekabr — Sputnik. Dekabrın 22-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 22-də kimlər anadan olub?
Nəsir İmanquliyev (1911-1998) - Azərbaycan jurnalisti və alimdir. O, Azərbaycan SSR Əməkdar jurnalisti (1990) və Azərbaycan SSR Əməkdar mədəniyyət işçisidir. Nəsir İmanquliyev Azərbaycan mətbuatının və mədəniyyətinin inkişafına, peşəkar jurnalist kadrlarının hazırlanmasına böyük töhfələr verib.
Mehdi Hüseynzadə (1918-1944) - Sovet İttifaqı Qəhrəmanı və Böyük Vətən Müharibəsi iştirakçısı. O, 1942-ci ilin avqustunda Kalaç şəhəri ətrafındakı qanlı vuruşmaların birində ağır yaralanaraq, almanlara əsir düşüb. Mehdi Hüseynzadə 1944-cü ilin əvvəlində bir qrup yoldaşları ilə İtaliyadakı düşərgədən qaçaraq Yuqoslaviya və Şimali İtaliyada Müqavimət hərəkatında iştirak edib. O, Mixailo təxəllüsü ilə tanınıb. 1944-cü il noyabrın 2-də isə vəfat edib. Hüseynzadənin doğulduğu Bakı şəhərində abidəsi də ucalıb.
Həsən Seyidbəyli (1920 - 1980) - Azərbaycan yazıçısı, dramaturqu, kinorejissoru, ssenaristi və Azərbaycan SSR xalq artistidir. O, "Uzaq sahillərdə" (İmran Qasımovla birlikdə), "Cəbhədən cəbhəyə" romanlarının, eləcə də bir sıra pyeslərin və film ssenarilərinin müəllifidir.
Daniil Samoyloviç (1744-1805) - rusiyalı hərbi həkim və Rusiya imperiyasında epidemiologiyanın banisidir. O, ilk dəfə olaraq vəba xəstəliynin yoluxmuş əşyalar vasitəsilə yayıldığını müəyyən edib.
Vladimir Markovnikov (1837-1904) - Rusiya kimyaçısı, Kazan Kimya Məktəbinin nümayəndəsi və Moskva Universitetində öz elmi məktəbinin qurucusudur.
Vladimir Markovnikov
© Sputnik
Cakomo Puççini (1858-1924) – görkəmli italyan opera bəstəkarıdır.
Cakomo Puççini
© AP Photo
Eduard Uspenski (1937-2018) - Rusiya yazıçısı, uşaq kitablarının müəllifi, dramaturq, ssenarist və televiziya aparıcısıdır. Onun icad etdiyi məşhur personajlar arasında timsah Gena və Çeburaşka, köpək Şarik və pişik Matroskin, Fyodor əmi, poçtalyon Peçkin, Tr-tr Mitya və s. var.
Leo Bokeriya (1939) - rusiyalı kardiocərrah, ixtiraçı, profesor və Rusiya Federasiyasının əməkdar elm xadimidir.
Leo Bokeriya
© Sputnik / Grigory Sysoyev
Vanessa Paradis (1972) - fransız kino aktrisa, müğənni və modelyerdir. O, "Koldovskaya lübov", "Odin şans na dvoix", "Devuşka na mostu" və s. filmlərdə rol alıb.
Vanessa Paradis
© AP Photo / JOE CAVARETTA
Dekabrın 22-də dünyada baş verən tarixi hadisələr
1857-ci ildə Rusiya imperiyasında ilk poçt markası buraxılıb. Tirajı üç milyon nüsxə olan bu markanın qiyməti 10 qəpik olub.
1919-cu ildə parlamentdə Azərbaycan Xalq Cümhuriyyətinin sonuncu, sayca beşinci hökumət kabineti təsdiq edilib. Əvvəlki, 4-cü kabinet 1919-cu il martın 14-də formalaşıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.