BAKI, 22 dekabr - Sputnik. Rusiya Federasiyasının əleyhdarları vəziyyəti gərginləşdirir, lakin Rusiya hər zaman istənilən çağırışa cavab verəcək.
Bu sözləri Rusiya prezidenti Vladimir Putin jurnalist Pavel Zarubinə müsahibəsində deyib.
“Biz bu gün düşmənimizin nə etdiyini görürük.Vəziyyəti gərginləşdirir. İstədiyiniz budursa, elə də olsun. Həyat pisdir? Qoy daha da yüksəlsin. Biz həmişə istənilən çağırışa cavab verəcəyik. Həmişə." - Putin deyib.
Prezident əlavə edib ki, Rusiyanın opponentləri istənilən çağırışlara cavab verməyə hazır olduğunu hiss edəndə, kompromislər axtarmağın vaxtı olduğunu başa düşəcəklər:
“Biz hər zaman istənilən çağırışa cavab verəcəyik. Hər zaman. Nə vaxt ki, nəhayət, bizim hazırkı rəqiblərimiz və mümkün tərəfdaşlarımız bunu eşidəcəklər, anlayacaqılar, dərk edəcəklər, mənə elə gəlir ki, onda kompromislər axtarmağın vaxtı çatdığını başa düşəcəklər”.
Kompromislər maraqların ziyanına deyil
Rusiya prezidentinin sözlərinə görə, Rusiya Federasiyası kompromislər axtarmağa, digər ölkələrlə münasibətlər qurmağa hazırdır, lakin öz maraqlarının zərərinə deyil:
“Əgər biz vəziyyətin elə dəyişdiyini görsək ki, başqa ölkələrlə əlaqələr qurmaq üçün imkanlar və perspektivlər var, buna hazırıq. Söhbət bizdən yox, onlardan gedir. Amma bu, Rusiya Federasiyasının maraqlarının zərərinə olmamalıdır”.
Rusiya ilə ABŞ arasında münasibətlər
Rusiya prezidenti ABŞ-la münasibətlərin yaxşılaşdırılmasının mümkünlüyünü etiraf edib:
“Əgər istək olsa, hər şeyi etmək mümkündür. Biz bu istəyi heç vaxt itirməmişik” - Putin ABŞ-ın hazırkı administrasiyası Kiyev rejiminə dəstək verərək iki ölkə arasında münasibətləri “dəfn etdikdən” sonra münasibətlərin yaxşılaşdırılması perspektivləri ilə bağlı sualı belə cavablandırıb..
"Oreşnik"in yaradılması
Putin həmçinin “Oreşnik” raket sisteminin yaradılmasını tarixi hadisə adlandırıb və qeyd edib ki, indiyədək heç kim belə silah yaratmayıb.
O qeyd edib ki, “Oreşnik” hipersəs raketinin istehsalı və istifadəsi ilin hadisəsindən daha çox bütün raket və kosmik sənaye üçün tarixi hadisədir:
"“Oreşnik” ilin hadisəsi deyil, raket-kosmos sahəsində tarixi hadisədir. Heç vaxt belə bir şey olmayıb. Bu cür silah ilk dəfədir meydana gəlib”.
Rusiya Prezidenti əlavə edib ki, "Oreşnik"i yaratmaq mövzusuna "olduqca dərindən" yönəlib.
“Müdafiə Nazirliyində bununla bağlı müxtəlif fikirlər var idi. Mən də sonda onun istehsal olunmalı olduğuna inananlara qoşuldum və bunun üçün birbaşa göstərişlər verdim ki, lazımi vəsait ayrılsın, kimlərləsə razılaşdım. Hesab etdim ki, onu döyüş şəraitində sınaqdan keçirməyin vaxtı çatıb”.