BAKI, 19 dekabr — Sputnik. Rusiya prezidenti Vladimir Putin bildirib ki, bütün xarici təhdidlərə baxmayaraq, iki il ərzində Rusiya iqtisadiyyatının artımı təxminən 8% təşkil edəcək.
Bu göstəricini qərb ölkələrinin iqtisadi göstəriciləri ilə müqaisə edən Putin aşağıdakı rəqəmləri göstərib.
"Ştatlarda 5-6%, Avrozonada 1%, Almaniyada 0%. Belə görünür ki, gələn il də 0% olacaq" - Rusiya prezidenti əlavə edib.
Eyni zamanda o qeyd edib ki, inflyasiya 9%-dən bir qədər artıqdır ki, bu da Rusiya üçün həyəcan siqnalıdır.
Amma buna rəğmən, bu müddət ərzində əhalinin real gəlirləri təqribən 9% artıb ki, bu da çox yüksək göstərici hesab olunur.