BAKI, 19 dekabr — Sputnik. Bakı-Şamaxı yolunda son vəziyyət açıqlandı
Qarlı və şaxtalı hava şəraiti ilə əlaqədar olaraq Bakı-Şamaxı-Yevlax avtomobil yolunun 60-90-cı km-lik hissəsində gecə boyu və səhər saatlarında hərəkətin təhlükəsizliyi və fasiləsizliyi istiqamətində tədbirlər görülüb.
Sputnik Azərbaycan xəbər verir ki, bu barədə Azərbaycan Avtomobil Yolları Dövlət Agentliyi məlumat yayıb.
Məlumata görə, yolun hərəkət hissəsi qardan təmizlənib, duz-qum qarışığı səpilib.
Qurumdan həmçinin bildirilib ki, qarlı və şaxtalı hava şəraiti ilə əlaqədar olaraq Şamaxı rayonunun Əngəxaran, Məlhəm, Çuxuryurd, Nağaraxana, Dəmirçi və digər gəndlərə gedən avtomobil yollarında gecə boyu və səhər saatlarında hərəkətin təhlükəsizliyi və fasiləsizliyi istiqamətində tədbirlər görülüb.
Yolun hərəkət hissəsi qardan təmizlənib, duz-qum qarışığı səpilib.