BAKI, 17 dekabr — Sputnik. Dekabrın 17-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 17-də kimlər anadan olub?
Osman Sarıvəlli (1905-1990) - Azərbaycanın xalq şairi, Azərbaycan Yazıçılar Birliyinin üzvü və Azərbaycan SSR xalq şairidir.
Hemfri Devi (1778-1829) - ingilis kimyaçı, fizik, kənd təsərrüfatı kimyaçısı, geoloq, ixtiraçı və elektrokimyanın banilərindən biridir. 1799-cu ildə Devi azot oksidlərindən birinin insana məst edici təsir etməsini (şənləndirici qazı N2O) kəşf edib.
Hemfri Devi
© Getty Images / traveler1116
Leonid Bronevoy (1928-2017) - Rusiya teatr və kino aktyoru, SSRİ xalq artistidir.
Fransisk (1936) - Roma Katolik Kilsəsinin rəhbəri (2013-cü ildən) və 266-cı Roma Papasıdır.
Roma papası Fransisk
© AP Photo / Andrew Medichini
Svetlana Bondarçuk (1968) - Rusiya televiziya aparıcısı və rusiyalı rejissor Fyodor Bondarçukun keçmiş həyat yoldaşıdır.
Milla Yovoviç (1975) - amerikalı aktrisa, musiqiçi, fotomodel və modelyerdir. O, "Beşinci eksperiment", "Şər yuvası", "Kukla" və s. filmlərindəki rolları ilə tanınıb.
Milla Yovoviç
© Vianney Le Caer / Invision / AP
Dekabrın 17-də dünyada baş verən tarixi hadisələr
1903-cü ildə ABŞ-da Rayt qardaşları tərəfindən dünyada ilk təyyarə uçuşu baş verib. Təyyarə 260 metr uçaraq havada 56 saniyə qalıb.
926-cı ildə SSRİ-də ilk ümumittifaq əhalinin siyahıyaalınması keçirilib.
1989-cu ildə ABŞ-ın "Simpsonlar" cizgi serialının ilk bölümü yayımlanıb.
2004-cü ildə Azərbaycanda ikinci bələdiyyə seçkiləri keçirilib.
2013-cü ildə Bakıda Xəzər dənizinin Azərbaycan sektorunda yerləşən "Şahdəniz-2" qaz-kondensat yatağı üzrə yekun investisiya qərarının imzalanması mərasimi keçirilib. Bu layihənin dəyəri 28 milyard dollar qiymətləndirilir. "Şahdəniz-2" çərçivəsində illik qaz hasilatının həcmi 16 milyard kubmetr təşkil edir ki, bunun da 10 milyardı Avropaya, 6 milyardı isə Türkiyəyə ixrac edilir.
2022-ci ildə Buxarestdə Azərbaycan, Gürcüstan, Rumıniya və Macarıstan hökumətləri arasında "yaşıl enerji"nin inkişafı və ötürülməsi sahəsində strateji tərəfdaşlıq haqqında Saziş imzalanıb.