Rusiya Prezidenti Vladimir Putinin Moskvada səfərdə olan Ermənistan Baş naziri Nikol Paşinyanla görüşü planlaşdırılmır.
Bu barədə Kremlin sözçüsü Dmitri Peskov bildirib.
Onun sözlərinə görə, Putinlə Paşinyan arasında görüş nəzərdə tutulmayıb.
Peskov Paşinyanın Peterburqda keçiriləcək MDB-nin qeyri-rəsmi sammitində iştirakını gözlədiklərini əlavə edib:
"Prezident Paşinyanı dəvət edib və onu digər həmkarları ilə birlikdə Sankt-Peterburqda ənənəvi görüş üçün gözləyir, bu qeyri-rəsmi olsa da, eyni zamanda MDB və Avrasiya İqtisadi Birliyinin nümayəndələri də orada olacaqlar".
Qeyd edək ki, Ermənistan Baş naziri bu gün Avrasiya Hökumətlərarası Şurasının iclasında iştirak etmək üçün Moskvaya səfər edib.