BAKI, 12 dekabr — Sputnik. Çin və Rusiya siyasi qarşılıqlı etimadı və strateji qarşılıqlı əlaqələri dərinləşdirməyə, eləcə də bütün sahələrdə praktiki əməkdaşlığı ardıcıl şəkildə genişləndirməyə davam edəcəklər. Bunu Çinin sədri Si Cinpin Rusiya Təhlükəsizlik Şurasının sədr müavini və Vahid Rusiya Partiyasının sədri Dmitri Medvedev ilə görüşündə bildirib.
Medvedev Çində iki günlük işgüzar səfərdədir.
"Çin və Rusiya bir-birinin ən böyük qonşularıdır. Dostluq münasibətlərinin inkişafı qaçılmaz tarixi məntiqə və güclü daxili hərəkətverici qüvvəyə malikdir", - Si Cinpin deyib.
Çin lideri qeyd edib ki, Çin və Rusiya daimi mehriban qonşuluq və dostluq, hərtərəfli strateji qarşılıqlı fəaliyyət və əməkdaşlıq ruhuna sadiq qalacaq, siyasi qarşılıqlı etimadı və strateji koordinasiyanı dərinləşdirəcək və bütün sahələrdə əməli əməkdaşlığı genişləndirməyə davam edəcəklər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.