BAKI, 12 dekabr — Sputnik. Çin sədri Si Cinpinlə görüş zamanı digər məsələlərlə yanaşı, təhlükəsizlik və strateji sabitlik məsələləri də müzakirə olunub. Bunu Rusiya Təhlükəsizlik Şurasının sədr müavini Dmitri Medvedev bildirib.
Medvedev Çində iki günlük işgüzar səfərdədir. O, bundan əvvəl Pekində Çin Kommunist Partiyasının baş katibi, Çin Xalq Respublikasının sədri Si Cinpinlə görüşüb.
"Dünyadakı ümumi vəziyyət, o cümlədən strateji sabitlik və təhlükəsizlik məsələləri diqqətdən kənarda qalmayıb", - Medvedev deyib.
Medvedev deyib ki, Rusiya Federasiyası ilə Çin arasında ticarət dövriyyəsinin yüksək səviyyəsi bu əlaqələrin inkişafını ləngitmək istəyən ölkələrin intriqalarına birbaşa cavabdır.
"Biz iqtisadiyyatı da müzakirə etdik. Anglo-Sakson dünyası ölkələrindən aldığımız təzyiqə baxmayaraq, ticarət dövriyyəsi çox yüksək səviyyədədir. Bu dövlətlərin əməkdaşlığımızı ləngitməyə çalışmaları, sanksiyalar tətbiq etmələrinə baxmayaraq hazırda ilin sonunda ticarət dövriyyəsinin 240 milyard dollar səviyyəsində olması onlara birbaşa cavabdır". - Medvedev deyib.
Rusiya Təhlükəsizlik Şurasının sədr müavini Dmitri Medvedev Çin lideri Si Cinpin ilə Ukrayna və Suriyadakı vəziyyəti müzakirə etdiyini bildirib.
"Əlbəttə, biz beynəlxalq siyasətdə baş verən dəyişiklikləri nəzərə alaraq münasibətləri daha da necə səmərəli quracağımızı müzakirə etdik, o cümlədən, Suriyada baş verənlər də daxil olmaqla, ən mühüm hadisələri müzakirə etdik. Eyni zamanda Rusiya-Ukrayna böhranını, davam edən münaqişəni müzakirə etdik. Rusiya Ukrayna ilə danışıqları bərpa etməyə hazırdır. Ancaq Kiyev günün reallıqlarını başa düşməli və Rusiya prezidenti Vladimir Putinin səsləndirdiyi təklifləri nəzərə almalıdır", - Medvedev qeyd edib.
Medvedev ABŞ-ın yeni seçilmiş prezidenti Donald Trampın ABŞ-da keçirilən prezident seçkiləri zamanı rəqiblərini "kürəyinə yerə qoyduğunu" deyib və qeyd edib ki, bu, Trampın özü və onun komanda haqqında məlumat verir.
"Tramp istedadlı adamdır, bunu heç kim gözləmirdi, amma bu qələbə onu və onun komandasını müəyyən mənada səciyyələndirir", - Medvedev deyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.