BAKI, 9 dekabr — Sputnik. Abşeronda yağan yağışlardan sonra avtobus quyuya düşüb. Bu barədə "Xaliq Faiqoğlu" şirkətinin mətbuat katibi Nizam Rzayev Sputnik Azərbaycan-a məlumat verib. O, bildirib ki, Xırdalan şəhərində yolların biabırçı vəziyyətdə olması barədə dəfələrlə müraciətlər olunsa da, heç bir tədbir görülmür.
Xırdalanda avtobus su quyusuna düşdü
© Photo : Xaliq Faiqoğlu
"İki gündür Xırdalanın Həsən Əliyev küçəsini (Bakı Mühəndislik Universitetinə gedən yol) yağış və kanalizasiya suları basıb, ərazidən nəqliyyat vasitələri çətinliklə keçir. Bu gün isə 135 saylı xətt üzrə xidmət göstərən iritutumlu avtobus suyun içində olan quyuya düşüb. Nəticədə avtobus yararsız vəziyyətdə hərəkətsiz qalıb", - deyə Nizam Rzayev bildirib.
Qeyd edək ki, Masazırda yağan yağışlardan sonra evlərin su altında qaldığını əks etdirən görüntülər də paylaşılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.