BAKI, 6 dekabr — Sputnik. Qırğızıstanda azərbaycanlı aktyor və kaskadyor Sain Fərhad Fərmanlının iştirakı ilə "Avtomobil daşıyıcısı" bədii filminin premyerası baş titib.
Filmin rejissoru Uçkun Jakıpbəyovdur. Bu filmdə həmçinin Şumkarbek Beyşenaliyev, Dmitri Balbekin, Aruuke Nadırova və başqaları çəkilib.
Hekayəyə görə, keçmiş xüsusi təyinatlı döyüşçü Ruslan Dubaydan avtomobil daşımaqla məşğul olur. O, təsadüfən atası qəddar narkotik satıcısının qurbanı olan Həvva adlı balaca qızcığazı xilas etdikdə həyatı tamamilə dəyişir. Ruslan Həvvanı qorumağı öz üzərinə götürür və onun atasını xilas etməyə çalışır.
Azərbaycanlı aktyor və kaskadyor Sain Fərhad Fərmanlının iştirakı ilə "Avtomobil daşıyıcısı" bədii filminin çəkilişində
© Photo : courtesy of Saina Farhad Farmanli
Aktyor Sputnik Azərbaycan-a bildirib ki, Qırğızıstandan olan həmkarları ilə işləməkdən böyük zövq alıb, çünki bütün çəkiliş komandası peşəkarlardan ibarət olub. O, filmdə killer obrazını canlandırıb. Aktyor filmin təkcə Qırğızıstanda deyil, xaricdə də uğur qazanacağına əmin olduğunu qeyd edib.
Azərbaycanlı aktyor və kaskadyor Sain Fərhad Fərmanlının iştirakı ilə "Avtomobil daşıyıcısı" bədii filminin çəkilişində
© Photo : courtesy of Saina Farhad Farmanli
Sain həmçinin bir sıra Hollivud və digər xarici filmlərdə də rol alıb.
2017-ci ildə aktyor Kaliforniyada (ABŞ) kaskadyorlar akademiyası tərəfindən təşkil edilən "Hollivud Advanced Stunt Course"da kaskadyorluq təlimini fərqlənmə diplomu ilə başa vurub, həmçinin "Universal Studios"da və dünyaca məşhur sənətçi Ceki Çanın mərkəzində ("Jackie Chan Stunt Team Action Film Training Center") təcrübə keçib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.