Tarixdə bu gün: 30 noyabr – FOTO

BAKI, 30 noyabr — Sputnik. Noyabrın 30-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.

Əli Əsədov (1956) - Azərbaycanın siyasi və dövlət xadimidir. O, 2019-cu il oktyabrın 8-dən Azərbaycanın Baş naziri vəzifəsindədir.

Oliver Vinçester (1810-1880) - ABŞ sənayeçisi və atıcı silah istehsalçısıdır.

Mark Tven (1835-1910) - ABŞ yazıçısı, jurnalisti və ictimai xadimdir. O, "Kalaverasda tullanan qurbağa" kitabını nəşr etdirdikdən sonra məşhurlaşıb. Yazıçısı satira, yumor, publisistika, fəlsəfi fantastika janrlarda çalışıb.

Uinston Çörçill (1934-2009) - Böyük Britaniyanın dövlət və siyasi xadimidir. O, 1940-1945 və 1951-1955-ci illərdə Böyük Britaniyanın Baş naziri, ədəbiyyat üzrə Nobel mükafatı laureatıdır.

Ridli Skott (1937) - Böyük Britaniya kinorejissoru və prodüseridir. O, ən yaxşı debüt üzrə Kann Film Festivalı mükafatının qalibi, beş dəfə BAFTA, dörd dəfə "Oskar" və "Qızıl Qlobus" mükafatlarına namizəd olub.

Vyaçeslav Nevinnı (1934-2009) - Rusiya teatr və kino aktyorudur. O, "Sınaq müddəti", "Avtomobildən ehtiyatlı ol", "Qaraj", "Ola bilməz!" və s. filmlərdəki rolları ilə tanınıb.

Maqnus Karlsen (1990) - Norveç şahmatçısı və şahmat üzrə 16-cı dünya çempionudur (2013).

1876-cı ildə rusiyalı ixtiraçı və sahibkar Pavel Yabloçkovun icad etdiyi dəyişən cərəyan transformatoru patentləşdirilib.

1900-cü ildə alman mühəndisləri Karl, Frants və Henrix Qreyf ön təkərli avtomobili patentləşdiriblər.

1931-ci ildə Luqanskda "Feliks Dzerjinski" seriyasından ilk ağır yük parovozu istehsal edilib.

1955-ci ildə SSRİ Elmlər Akademiyasının ilk kompleks Antarktika ekspedisiyası başlayıb.

1956-cı ildə "CBS" televiziya şirkəti dünyada ilk dəfə yayım üçün video kasetlərdən istifadə etməyə başlayıb.

1988-ci ildən etibarən bütün dünyada Beynəlxalq İnformasiya Təhlükəsizliyi Günü qeyd olunur.