BAKI, 27 noyabr — Sputnik. Noyabrın 27-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Noyabrın 27-də kimlər anadan olub?
Süleyman Rüstəm (1906-1989) - Azərbaycanın xalq şairi və dramaturqudur. O, "İldırım", "Qolsuz qəhrəman", "Təbrizdə qış" və s. əsərlərinin müəllifidir.
Süleyman Rüstəm
© Photo : Public Domen
Anders Selsi (1701-1744) - İsveç astronomu, fiziki, geoloqu və meteoroloqudur. O, İsveç Elmlər Akademiyasının üzvüdür. Fizik öz dövrünün yeni temperatur ölçmə şkalasının yaradıcısıdır. Temperatur vahidi onun şərəfinə adlandırılıb.
Konosuke Matsuşita (1894-1989) - yapon iş adamı, "Matsushita Electric"in yaradıcısı və "Panasonic" korporasiyasının yaradıcısıdır.
Qalina Polskix (1939) - Sovet teatr və kino aktrisası, RSFSR xalq artistidir. O, "Bəyaz gecələr", "Mən Moskvada gəzirəm", "Yolda nişanlar", "Sehrbaz" və s. filmlərdə rol alıb.
Brüs Li (1940-1973) - Honkonq və ABŞ kino aktyoru, rejissoru, ssenaristi, döyüş sənətçisi, döyüş səhnələrinin rejissoru və "Cit Kun Do" döyüş sənətinin yaradıcısıdır.
Brüs Li
© Photo : Columbia Pictures
Cimi Hendrix (1942-1970) - ABŞ müğənnisi, gitaraçı və bəstəkardır. 2009-cu ildə "Time" jurnalı onu bütün zamanların ən böyük gitaraçısı adlandırıb. Hendrix hələ sağlığında fenomen və dahi adlandırılıb.
Aleksandr Kerjakov (1982) – Rusiya futbolçusu və məşqçisidir. O, Rusiya futbol tarixinin ən yaxşı bombardiridir.
Viktoriya Bonya (1979) - Rusiya televiziya və radio aparıcısı, aktrisa, modeldir.
Vladimir Maşkov (1963) - Rusiya aktyoru, rejissoru və Rusiyanın xalq artistidir. O, "Ana", "Oğru" və s. filmlərdə rol alıb.
Vladimir Maşkov
© Sputnik / Григорий Сысоев
27 noyabr tarixində dünyada baş verən tarixi hadisələr
1095-ci ildə Papa II Urban Klermon kafedralında Birinci Səlib yürüşünü elan edib.
1895-ci ildə Alfred Nobel əmlakın Nobel Fonduna verilməsi haqqında vəsiyyətnamə imzalayıb. O, sərvətininin təqribən 94%-ni fizika, kimya, fiziologiya yaxud tibb, ədəbiyyat sahəsində ən mühüm nailiyyətlərə və sülhün möhkəmləndirilməsinə verdiyi töhfələrə görə verilən mükafatların təsis edilməsini vəsiyyət edib.
1920-ci ildə Belarusun müstəqilliyi uğrunda Slutsk üsyanı başlayıb.
1989-cu ildə Kolumbiyada terror aktı nəticəsində "Avianca" şirkətinin "Boeing 727-21" təyyarəsi partladılıb və 110 nəfər həlak olub.
1992-ci ildə Rusiyada Ali İqtisadiyyat Məktəbi yaradılıb.