BAKI, 26 noyabr — Sputnik. Rusiya Ukraynadakı münaqişənin dondurulmasını qəti şəkildə rədd edir, bunu Qərbdə nə qədər tez başa düşsələr, bu, bütün tərəflər üçün bir o qədər yaxşı olacaq. Bunu Rusiya Xarici Kəşfiyyat Xidmətinin (XKX) direktoru Sergey Narışkin MDB ölkələrinin Moskvada keçirilmiş kəşfiyyat xidmətlərinin iclasından sonra jurnalistlərə bildirib.
"Rusiya Koreya və ya hər hansı digər varianta uyğun olaraq münaqişənin dondurulmasını qəti şəkildə rədd edir, lakin bu sülh bütün Avropa qitəsi üçün təmin edilməlidir. Sülhün təmin edilməsi üçün şərt Ukrayna münaqişəsinə səbəb olan səbəblərin aradan qaldırılmasıdır", Narışkin deyib..
O vurğulayıb ki, Rusiya danışıqlara açıqdır.
Onun sözlərinə görə, Qərb paytaxtları Moskvanın təklif etdiyi sülh müqaviləsinin şərtlərini nə qədər tez qəbul etsələr, bu, Ukrayna, Avropa və Rusiya üçün bir o qədər yaxşı olar.
Bundan əlavə, Rusiya lideri əlavə edib ki, Kiyev NATO-ya üzv olmaq niyyətindən imtina etdiyini bəyan etməli, demilitarizasiya və denazifikasiyanı həyata keçirməli, həmçinin neytral, bloklara qoşulmayan və nüvəsiz statusu qəbul etməlidir. Putin bu kontekstdə Rusiya Federasiyasına qarşı sanksiyaların ləğvini də qeyd edib.
Ukrayna Silahlı Qüvvələrinin Kursk vilayətində törətdiyi terror aktından sonra Putin "mülki əhaliyə, mülki infrastruktura fərq qoymadan zərbələr endirən və ya nüvə enerjisi obyektlərinə təhlükə yaratmağa çalışanlarla" danışıqlar aparmağı mümkünsüz adlandırıb.
Rusiya prezidentinin köməkçisi Yuri Uşakov bəyan edib ki, Moskvanın Ukrayna nizamlanmasına dair Rusiya dövlət başçısı tərəfindən əvvəllər səsləndirdiyi sülh təklifləri ləğv edilməyib, lakin indiki mərhələdə "bu avantüranı nəzərə alaraq" Rusiya Ukrayna ilə danışmayacaq.