BAKI, 26 noyabr — Sputnik. ABŞ-ın oxşar sistemləri peyda olarsa, Rusiya Asiyada orta və daha qısa mənzilli raketlərin yerləşdirilməsi imkanını nəzərdən keçirəcək. Bunu Rusiya xarici işlər nazirinin müavini Sergey Ryabkov bildirib.
"Əlbəttə, bu, dəfələrlə müzakirə olunan variantlardan biridir ki, dünyanın istənilən regionunda müvafiq ABŞ sistemlərinin peyda olması şəraitində bizim gələcək addımlarımızı, o cümlədən hərbi və hərbi-texniki cavab tədbirlərinin təşkili sahəsindəki addımlarımızı əvvəlcədən müəyyənləşdirəcək", - Ryabkov deyib
"Rəqiblərimizdə, düşmənlərimizdə və onların peyklərində süni təhlükəsizlik və ya arxayınlıq hissi olmamalıdır. Təcrübə göstəriri ki, yola gətirmə, arqumetnlərdən istifadə edərək inandırma arzu olunan effekti vermir. Buna görə də, müvafiq hədəfləri vura və kompensasiya tədbiri kimi çıxış edə biləcək sistemlərin işə salınması da daxil olmaqla, daha güclü vasitələrə ehtiyac var", - Ryabkov əlavə edib.