BAKI, 23 noyabr — Sputnik. Bundesver Rusiya ilə müharibə olacağı təqdirdə "Almaniya" əməliyyatının gizli planını hazırlayıb.
Bu barədə "Lenta.ru" agentliyi "Frankfurter Allgemeine Zeitung" (FAZ) qəzetinə istinadən məlumat yayıb.
"Almaniya" əməliyyatının 1000 səhifəlik planı xüsusi mühafizə tələb edən bütün infrastruktur obyektlərini əhatə edir. Bundan əlavə, o, Şimali Atlantika Alyansının şərq cinahında Rusiyanın müdafiəsi və ya onun qarşısının alınması üçün tədbirləri prosedurunu nəzərdə tutur", - nəşr yazır.
Sənədin mətnində qeyd edilir ki, hərbi münaqişə baş verəcəyi təqdirdə Almaniya şərqə köçürülən "on minlərlə, hətta yüz minlərlə hərbçinin cəmləşdiyi mərkəz" olacaq.
Almaniyanın "Bild" və "Der Spiegel" nəşrləri iyulun 13-də NATO-nun şərq cinahında müharibə olacağı təqdirdə Almaniyanın əməliyyat planını dərc ediblər. Belə anlaşılır ki, Rusiya hərbi münaqişədə rəqib kimi çıxış edəcək. Plan Hollandiya, Belçika və Almaniya limanlarından 3-6 ay ərzində 800 min hərbçinin şərqə köçürülməsini nəzərdə tutur.