BAKI, 23 noyabr — Sputnik. ABŞ Ukraynaya və onun müttəfiqlərinə Rusiyanın "eksperimental silahlardan" istifadə edə biləcəyi barədə xəbərdarlıq edib.
Bu barədə "Bloomberg" anonimlik şərti ilə amerikalı məmurun sözlərinə istinadən məlumat yayıb.
"Vaşinqton Kiyevə və digər müttəfiqlərinə xəbərdarlıq edib ki, Moskva Ukraynadakı münaqişədə xüsusi hərbi əməliyyatlar zamanı eksperimental silahlardan istifadə edə bilər", agentlik adının açıqlanmasını istəməyən amerikalı rəsminin sözlərindən sitat gətirir.
Mənbənin sözlərinə görə, Rusiya guya Ukraynada artıq "əhəmiyyətli dərəcədə böyük döyüş başlıqlarına" malik raketlərdən istifadə edib.
Bu yaxınlarda Rusiya Prezidenti Vladimir Putin Ukraynanın Amerika və Britaniya silahlarından istifadəsinə cavab olaraq Rusiya mühəndislərinin ən yeni orta mənzilli "Oreşnik" raketini sınaqdan keçirdiklərini bildirib. Balistik raketlər qeyri-nüvə hipersəs avadanlıqlarında istifadə olunub və həmçinin saniyədə 2-3 kilometr sürətlə hədəflərə hücum etmək qabiliyyətinə malikdir.