BAKI, 22 noyabr - Sputnik. Rusiya prezidenti Vladimir Putin bildirib ki, Rusiya Oreşnik kompleksinin sınaqlarını davam etdirəcək.
Cümə günü axşam Putin Müdafiə Nazirliyinin rəhbərliyi ilə görüş keçirib və o, bildirib ki, hazırda Oreşnik sisteminə qarşı heç bir tədbir yoxdur.
"Kompleks köhnə sovet sistemlərinin modernləşdirilməsi deyil, müasir Rusiyada mütəxəssislərin əməyinin nəticəsidir" - Putin "Oreşnik" barədə deyib.
Prezident vurğulayıb ki, “Oreşnik” sistemi ən son yeniliklər əsasında yaradılıb və ölkə üçün həyati əhəmiyyət kəsb edir. Onun sözlərinə görə, kütləvi istifadə ilə kompleksin raketləri strateji silahlarla müqayisə oluna bilər.
Putin əmin edib ki, Rusiyanın təhlükəsizliyi etibarlı şəkildə təmin olunacaq və Ukrayna ərazisində xüsusi hərbi əməliyyatın bütün vəzifələri həll olunacaq.