BAKI, 21 noyabr — Sputnik. Qərb dövlətləri Rusiyanın hüquqi yardım, o cümlədən cinayətkarların ekstradisiyası ilə bağlı müraciətlərinə cavab verməməklə, cinayət təşkilatlarının maraqlarından çıxış edirlər. Bunu Rusiya Xarici İşlər Nazirliyinin sözçüsü Mariya Zaxarova deyib.
Zaxarova qeyd edib ki, Avropa ölkələri daha çox cinayət işlərində Rusiya Federasiyasına hüquqi yardımın azaldılması, dayandırılmasını elan ediblər. 2024-cü ildə Rusiya tərəfi hüquqi yardımla bağlı 27 müraciətə rədd cavabı alıb, 7 imtina siyasi səbəblərə görə verilib. Həmçinin ekstradisiya ilə bağlı 67 sorğuya rədd cavabı verilib, onlardan 14 imtina siyasi motivli olub. Zaxarovanın verdiyi məlumata görə, Rusiyanın sorğularına müvafiq olaraq, hüquqi yardım üçün ABŞ-a göndərilmiş 155, eləcə də Böyük Britaniyaya 31 müraciətlə bağlı heç bir məlumat yoxdur.
Rusiya Xarici İşlər Nazirliyinin sözçüsü Mariya Zaxarova, arxiv
© Sputnik / Сергей Гунеев
"Qərb paytaxtları tərəflərin beynəlxalq müqavilələrdə müəyyən edilmiş öhdəliklərini yerinə yetirmirlər, cinayətkarları Rusiya Federasiyasına təhvil verməməklə, cinayət işləri üzrə tələb olunan məlumatları təqdim etməməklə, faktiki olaraq dünya birliyinin kriminal təşkilatlarının maraqlarından çıxış edirlər. Bunun başqa izahı yoxdur", - Zaxarova bildirib.
Diplomat vurğulayıb ki, Qərbin siyasi səbəblərə görə ekstradisiyadan imtina etdiyi şəxslər arasında azyaşlıları öldürməkdə və qanunsuz hərəkətlər etməkdə ittiham olunanlar da var.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.