BAKI, 19 noyabr — Sputnik. Avrasiya İqtisadi Komissiyası (AİK) oktyabr ayı ərzində Avrasiya İqtisadi İttifaqı ölkələrində inflyasiyanın səviyyəsinin monitorinqini aparıb.
Bu barədə Komissiyanın mətbuat xidməti xəbər verib.
"Oktyabrın nəticələrinə əsasən Avrasiya İqtisadi İttifaqı ölkələrində illik inflyasiya Ermənistanda 0,6%, Belarusda 5,9%, Qazaxıstanda 8,5%, Qırğızıstanda 4,8%, Rusiyada isə 8,5% təşkil edib. 2023-cü ilin dekabr ayı ilə müqayisədə oktyabrında Qazaxıstanda illik inflyasiya 1,3 faiz bəndi, Qırğızıstanda 2,5 faiz bəndi azalıb və inflyasiyanın bir qədər sürətlənməsi: Belarusda - 0,1 faiz bəndi, Rusiyada - faiz bəndi baş verib. Ermənistanda deflyasiya öz yerini inflyasiyaya verib" – AİK-in hesabatında deyilir.
İstehlak qiymətlərinin strukturunda Qazaxıstan və Qırğızıstanda ərzaq məhsulları, Ermənistan, Qazaxıstan, Qırğızıstan və Rusiyada qeyri-ərzaq malları, Belarus və Qırğızıstanda xidmətlər üzrə inflyasiyanın azalması müşahidə olunub.
AİK qeyd edib ki, qiymət sabitliyinin saxlanmasına Aİİ ölkələrinin hökumətləri və mərkəzi bankları tərəfindən istehlak qiymətlərinin artımını məhdudlaşdırmaq üçün görülən tədbirlər kömək edib.