BAKI, 18 noyabr — Sputnik.Ukrayna ordusu səmada Rusiyanın radioelektron müharibə (REM) sistemlərinə qarşı çıxa biləcək "qatil robotlar"dan istifadə edir.
Bu barədə "The Wall Street Journal" məlumat yayıb.
"Qatil robotlar tezliklə Ukrayna səmasını dolduracaq. Kiyevdəki dron tədarükçüləri kompüterlə idarə olunan dronların istehsalını artırırlar..." - nəşr yazıb.
Nəşr, həmçinin bildirib ki, Ukrayna üçün pilotsuz uçuş aparatı (PUA) tədarükçüləri robot-hücum PUA-larının istehsalını sənaye miqyasına qədər artırırlar.
Bundan əvvəl Çin sanksiyalarının dronların ABŞ-dan Ukraynaya tədarükünə zərbə vurduğu barədə məlumat verilmişdi.