BAKI, 18 noyabr — Sputnik. Böyük Britaniya, Almaniya, Latviya, Litva, Kanada, Hollandiya və Fransa Kiyevə dronların birbaşa tədarükündə xüsusilə fəaldırlar. Bunu RİA Novosti-yə Vyanada hərbi təhlükəsizlik və silahlara nəzarət üzrə danışıqlarda Rusiya nümayəndə heyətinin rəhbəri vəzifəsini icra edən Yuliya Jdanova bildirib.
""Antonov" şirkəti ilə ABŞ-ın "Boeing" şirkəti arasında memorandum imzalanıb. Ukraynada dronların istehsalı üçün Türkiyə ilə birgə zavodun açılması ehtimalı ortadan qalxmayıb. Dronların birbaşa xarici tədarükü davam edir. Böyük Britaniya, Almaniya, Latviya, Litva, Kanada, Hollandiya və Fransa bu sahədə xüsusilə fəaldırlar", - Jdanova qeyd edib.
Diplomat əlavə edib ki, Rusiyanın əleyhdarları başa düşməlidirlər ki, PUA-ların hücumu üçün anbar və istehsal sahələrinin məhv edilməsi Rusiya Silahlı Qüvvələrinin prioritetlərindən biridir.
Rusiya hesab edir ki, Ukraynaya silah tədarükü nizamlanmaya mane olur, NATO ölkələrini birbaşa münaqişəyə cəlb edir və odla oynayırlar.
Rusiyanın xarici işlər naziri Sergey Lavrov qeyd edib ki, Ukrayna üçün silah olan istənilən yük Rusiya üçün qanuni hədəfə çevriləcək. Kreml bəyan edib ki, Ukraynanı Qərbdən silahlarla doldurmaq danışıqlara kömək etmir və prosesə mənfi təsir göstərəcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.