BAKI, 17 noyabr — Sputnik. Rusiya Prezidenti Vladimir Putin və Almaniya kansleri Olaf Şolts arasında cümə günü baş tutan telefon danışığı mümkün gələcək danışıqlar kontekstində Ukrayna üçün açıq-aşkar siqnal olub.
Bu barədə Almaniyanın "Tagesspiegel" qəzeti yazıb.
Alman Xarici Siyasət Cəmiyyətindən ekspert Ştefan Maysterin fikrincə, bu təmas danışıqlara hazırlığa təzyiq edir və Avropa liderlərinin Putinlə dialoqa artan həvəsini nümayiş etdirir.
Mayster, həmçinin vurğulayıb ki, Almaniyada hökumət koalisiyasının dağılması nəticəsində yaranan daxili siyasi böhran kontekstində Putinlə söhbət Şolts üçün xüsusilə vacib ola bilər.
Ekspert qeyd edib ki, mövcud siyasi şəraiti və sorğunun nəticələrinə əsaslanan zəif proqnozları nəzərə alsaq, Rusiya lideri ilə dialoq cəhdi Almaniyadakı seçki kampaniyası ilə bağlı ola bilər.
Bundan əvvəl Polşanın xarici işlər naziri Radoslav Sikorski Rusiya Prezidenti Vladimir Putin və Almaniya kansleri Olaf Şolts arasında telefon danışığının müzakirəsi fonunda Ukraynadakı vəziyyətlə bağlı qarşıda duran vacib danışıqları açıqlamışdı.