BAKI, 9 noyabr - Sputnik. Bir sıra ehtiyacı olan Afrika ölkələrinin Beynəlxalq Valyuta Fondu (BVF) və Dünya Bankından yardım almırlar. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Soçidə keçirilən Rusiya-Afrika Tərəfdaşlıq Forumunun birinci nazirlər konfransının sessiyasında çıxış edərkən danışıb.
Onun sözlərnə görə, bunun səbəbi əsas resursların Kiyevi dəstəkləməyə yönəldilməsidir.
“Bu gün həqiqətən ehtiyacı olan bir sıra Afrika ölkələri, məsələn, BVF, Dünya Bankından lazımi maliyyə dəstəyi almır və bilirsiniz niyə? Onlar çox şey uydurub nağıl danışa bilərlər, amma siz və mən həqiqəti bilirik və gəlin bu haqda danışaq! Bəli, ona görə ki, onlar əsas resursları Kiyev rejimini və ya açıq desək, müharibəni dəstəkləməyə yönəldirlər”, - Zaxarova bildirib.
Rusiya hesab edir ki, Ukraynaya silah tədarükü nizamlanmaya mane olur, NATO ölkələrini münaqişəyə birbaşa cəlb edir və “atəşlə oynayır”.
Rusiyanın xarici işlər naziri Sergey Lavrov qeyd edib ki, Ukrayna üçün silah olan istənilən yük Rusiya üçün qanuni hədəfə çevriləcək. Onun sözlərinə görə, ABŞ və NATO münaqişədə bilavasitə, o cümlədən təkcə silah tədarükü ilə deyil, həm də Böyük Britaniya, Almaniya, İtaliya və digər ölkələrdə kadrların hazırlanması ilə iştirak edir.
Kreml bəyan edib ki, Ukraynanı Qərbdən silahlarla doldurmaq danışıqlara kömək etmir və mənfi təsir göstərəcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.